ముసలితనం
రెండు పండు ప్రాణాలు
చెట్టుతో వున్న బంధాలను విడవలేక
రాలి పోలేక
భూమికీ ఆకాశనికి మధ్య
ఊగిసలాడుతున్నాయి!
ప్రతివేకువకూ కొత్తగా
స్వాగతం తెలుపుతూ
దారిన పోయే చుట్టాల
కళ్ళలో
తమ పిల్లల చూపులను
వెదుకుతూ....
తడబడుతున్న మాటలను
ప్రేమగా సవరిస్తూ
"మా వాళ్ళనుకున్నా" అంటూ
కాలాన్ని నిదుర పోనీకుండా
కాచుకుని కూర్చున్నాయి!
తల్లితండ్రి....
పిల్లల్ని ముద్దుగా పెంచుకుంటే
వీళ్ళు వాళ్ళనెందుకు పంచుకుంటారో!?!
ఒక్కరు నలుగురిని సాకగలరు గానీ
నలుగురు ఒక్కరిని భరించలేరెందుకో!!
ఇవి విన్నాయనుకుంట
ఆ నిండు హృదయాలు
దూరంగానైతేనేమి
చెట్టు నీడైతే ఉందని
మట్టిలో కలిసే వరకూ
అలా విడి విడిగానే....!!!
ఆ పండ్ల చుట్టూ చేరిన చిలకలను
తీయగా పలకరిస్తున్నాయి!
ప్రతి కాయ ఓనాటికి పండేనని
గుర్తించరెందుకో!
రెండు పండు ప్రాణాలు
చెట్టుతో వున్న బంధాలను విడవలేక
రాలి పోలేక
భూమికీ ఆకాశనికి మధ్య
ఊగిసలాడుతున్నాయి!
ప్రతివేకువకూ కొత్తగా
స్వాగతం తెలుపుతూ
దారిన పోయే చుట్టాల
కళ్ళలో
తమ పిల్లల చూపులను
వెదుకుతూ....
తడబడుతున్న మాటలను
ప్రేమగా సవరిస్తూ
"మా వాళ్ళనుకున్నా" అంటూ
కాలాన్ని నిదుర పోనీకుండా
కాచుకుని కూర్చున్నాయి!
తల్లితండ్రి....
పిల్లల్ని ముద్దుగా పెంచుకుంటే
వీళ్ళు వాళ్ళనెందుకు పంచుకుంటారో!?!
ఒక్కరు నలుగురిని సాకగలరు గానీ
నలుగురు ఒక్కరిని భరించలేరెందుకో!!
ఇవి విన్నాయనుకుంట
ఆ నిండు హృదయాలు
దూరంగానైతేనేమి
చెట్టు నీడైతే ఉందని
మట్టిలో కలిసే వరకూ
అలా విడి విడిగానే....!!!
ఆ పండ్ల చుట్టూ చేరిన చిలకలను
తీయగా పలకరిస్తున్నాయి!
ప్రతి కాయ ఓనాటికి పండేనని
గుర్తించరెందుకో!
0 comments:
Post a Comment